राष्ट्रिय लोक सांस्कृतिक प्रतिष्ठान नेपालको आयोजना र संयुक्त नेपाल मेला महोत्सव ग्रुप प्रालीको व्यवस्थापनमा "स्वच्छ, सफा हराभरा कागेश्वरीमनोहरा, संस्कृतिको संरक्षण, सम्बर्धन र प्रवर्धन गर्ने हाम्रो अभिभरा" भन्ने मूल नाराका साथ हुन गइरहेको "प्रथम थली सांस्कृतिक तथा व्यापार महोत्सव२०८१" कागेश्वरी मनोहर नगरपालिका वडा नम्बर ५ को थलीचौरमा रहेको खाली जग्गामा यही "पौष २५ गतेदेखि माघ ५ गते" सम्म हुन गइरहेको छ।

यस महोत्सवको लागि गरिने कानुनी प्रक्रियाहरू पूरा गरिसकेको र अब यस ठाउँमा स्टल निर्माण लगायत अन्य कार्यको तयारी पनि भइसकेको मेलाव्यवस्थापन टिमले जानकारी दिनुभएको छ। यस महोत्सवमा १५० भन्दा बढी स्टलहरु राखिनेछन् भने यस कागेश्वरी नगरपालिका भित्र रहेका ९ वटावडालाई कृषिजन्य उत्पादनको प्रदर्शन तथा बिक्रीको लागि निःशुल्क रुपमा उपलब्ध गराइने र न्यून शुल्कमा व्यापारीहरुलाई उपलब्ध गराइने पनिजानकारी दिनुभएको छ। 

यस महोत्सवमा २०० भन्दा बढी राष्ट्रिय, अन्तर्राष्ट्रिय तथा स्थानीय कलाकारहरूको बेजोर प्रस्तुति, एसियाकै उत्कृष्ट बाल उद्यान, ऐतिहासिकपर्यटकीयहरूको फोटो तथा भिडियो प्रदर्शनी, धार्मिक कार्यक्रमको प्रदर्शनी, सांस्कृतिक व्यापार तथा पर्यटकीय सामग्रीहरूको स्थलहरू, विभिन्न प्रकारकालत्ता कपडाहरू, खाद्यान्न, अटोमोबाइल, जुत्ताहरू, कृषि तथा हस्तकलाका सामग्रीहरू, कृषि औजारका सामग्रीहरूको प्रदर्शन, धिमे बाजा प्रतियोगिता, लोपमूलक बाजागाजाका प्रदर्शन तथा मौलिक बाजागाजाका प्रदर्शन, विज्ञान प्रविधिको प्रदर्शन, विद्यालय स्तरीय नृत्य प्रतियोगिता, विभिन्न सामुदायकोखानाको प्रदर्शनहरु पनि गराइने आयोजक द्वारा जानकारी दिनुभएको छ। 

यस व्यापार महोत्सव २०८१ साल पुष २५ गतेदेखि सुरु हुने र माघ ५ गतेसम्म बिहान १० बजेदेखि बेलुका ८ बजेसम्म सांस्कृतिक कार्यक्रमहरू सम्पन्नहुनेछ। महोत्सवमा उपत्यका काठमाडौँ, भक्तपुर, काभ्रे, सिन्धुपाल्चोक लगायत विभिन्न जिल्लाका बासीहरुले समेत लाभ लिन सकिनेछन्। महोत्सवलाईव्यवस्थित बनाउन विशेष सांस्कृतिक कार्यक्रमका लागि पुष २६ देखि २९ र माघ २ गते देखि ५ गतेसम्म सम्म रु. ५० र रु. ८० प्रवेश शुल्क लाग्ने र माघ १गते विशेष सांस्कृतिक कार्यक्रम रहने भएकोले प्रवेशका लागि विद्यार्थीको लागि रु. १०० र  रु. १५० को व्यवस्था गरिएको आयोजकद्वारा जानकारीदिनुभएको छ।